#SGEB04 – Unn Hesse lacht (hoffendlisch) zur Fassenacht! | OneFootball

Am Faschingssamsdach, kaam zu glaube werd des näschde Topspiel uns den Atem raube. Mer hoffe des mer diesmal habbe Grund zum Feiern. Ganz anners als letzt Woch gesche die Bayern.

Unn isch frach misch die letzten Tage: Wie is dann unsere Ausgangslage? Werd‘s aafacher, werd‘s schwerer? Was plant zudem dann unser Fußballehrer? De Dino werd sisch was überlesche: Wie werrn mer dene es Handwerk lesche? Stark vorne unn stark hinne, bei Kontern, wie im Ballbesitz. Misch dünkt da kannste nur was hole mit absolutem Spielewitz.

Letzt Jahr Meister, dies Jahr widder vorne dabei: Die sinn werklisch stark: Isch hoff es werd kaa Quälerei. Wobei: Was es Konterspiel angeht unn die Verwertung großer Chance sinn aach mir ganz manierlisch in der Balance. Unn insgesamt ja uff Platz drei: Mache mer uns also mal ned allzu klei.

Bei uns, ein Glück, widder dabei de Robin Koch. Fiele er weidder aus: Es fehlte noch! Mer wolln hoffe er is fit fürn ganzes Spiel, denn von Tuta kimmt gewiss net viel. Der hatte sisch, ihr wisst es alle, in München net zurückgehalde. Dies bedeutete gelbe Kadde Nummer fünf.

Bevor sich misch jetz aber uffresch und hier am End noch schimpf, freu isch misch lieber auf des Flutlischtspiel und hoffe Offenbacher sinn im Gästeblock net allzuviel!

Es wär schee, wenn aach ihr eusch freut. In diesem Sinne: Uff drei ganz doll wischdische Punkte heut!

Zu guter Letzt meine Prognose: Unsere elf Jungs in Trikot, Stutzen, Hose:

Titelbild: Alex Grimm/Getty Images